بسم الله الرحمن الرحيم
وقصيدة للشاعر حامد زيد العازمي
مشكله لا جات حاجتـك بيديـن البخيـل
مايفكـك ليـن تدفـع كثـر مايدفـعـه
ومشكله لا صرت مطعون بكفوف الدخيل
في ظهرك اربع خناجر وبالصدر اربعه
ومشكله لا ضاق بالوقت رجـالً ثقيـل
يطلـب احبابـه وعيـا زمانـه ينفعـه
ليت ربي مايحاسب خليـلً مـن خليـل
دام مال الحـظ فزعـه وللوجـه اقنعـه
ودام مال العذل تالي ومابالحيـل حيـل
الغـلا سمـاً نذوقـه ومـرً نجـرعـه
نحتري فيه القا والحصيل هو الحصيـل
مثـل حلمـاً ماتحقـق وعيـت اقطعـه
كني اللي حط بشفاه مـن جمـر المليـل
لا قـدر يرميـه للنـاس وزرا يبلـعـه
والظروف اللي حدتنـي لنيـران وفتيـل
عرضت دمع المحاجـر لشـيً جزعـه
والمدامـع بالغـلا لا تحـال ولا تحيـل
والمشاكل كل ماجـات جـات مجمعـه
اعذلوني عن هوى النفس وعيوني تخيـل
في حبيـب ٍ ماتركتـه ولازلـت اتبعـه
مغرم في حب مثله ولا ارضى له بديـل
عيني تشوفـه وقلبـي يجـوع ويشبعـه
ذاك كل مازان بالي وطالعـت النخيـل
ماذكـرت الا ثباتـه بوقـت الزعزعـه
ماهو الاقطعة مـن حشـا قلبـاً عليـل
وماني الا قطعـة منـه مخلـوقً معـه
لا جميل شفت قبلـه ولا بعـده جميـل
العذارا رهن رمشه وانا رهـن اصبعـه
والله انه لو طلبنـي اطلـوع المستحيـل
لا اطلعه مني منـاك يعنـي لا اطلعـه
ماعلي مـن الملامـه وهـرج الهبيـل
مشجع الرجال لا ثـار غيـره مشجعـه
في عيون اللي عشقني ولا جاني هزيـل
الله اللي حـط عشقـه بقلبـي وزرعـه
لو سكت ينطق له الصم والدنيـا تسيـل
وان حكى لو يمشي المزن ياقف يسمعـه
سلسبيل مـن شفاتـه يخالـط سلسبيـل
معمعه بسكات واحـلا سكـات بمعمعـه
ماهقيت ان اكثر الليـل يمـرح الجديـل
لين شفته شـوف عينـي بكفـه يرفعـه
وان حيت ومابقالـي معـه ياكـود ليـل
لا اسهره بأول غروبه ومـوت بمطلعـه
والله ان العشق جمره وطاحت بالشليـل
وان حصل ماطاعك الوقت بحبابك طعـه
من هو اللي علم عداي نكـران الجميـل
ومن هو اللي خان خلي وحـاول يقنعـه
كل عاذل ردني عنك يالطـرف الكحيـل
ياعسـى الله يقلعـه ياعسـى الله يقلعـه
يامعرض قلب الاحباب للدرب الطويـل
السعـه لا بـارك الله بالضيـق السعـه
والله ان الوقت قاسي وانا مانـي ذليـل
واشهد ان الرجل مرات ظنـه يخدعـه
وانتم اتعذلـون خفـاق بعيـون العديـل
مارحمتم نار جرحـه وحيـرة مدمعـه
والسوالف ليلهـا ليـل والحايـل يحيـل
والمشاكـل مشكلـه بمشكلـه متجمعـه
مشكله لا خانك الوقت بالحمـل الثقيـل
لو زرعت الزرع هوج العواصف يشلعه
ومشكله لاصار عاذلـك مايبـرد غليـل
لا تـرده طيـب كلمـه ولحـدً يمنعـه
ومشكله لا صرت مطعون بكفوف الدخيل
في ظهرك اربع خناجر وبالصدر اربعه
موضوع: قصــــــــــــيد حامد زيـــد 
السبت أغسطس 25, 2007 6:19 am
